Kosova dhe Zvicra kanë luajtur baras 1-1 në ndeshjen e fundit të kampanjës kualifikuese për Kampionatin Botëror.

Golin e vetëm në këtë sfidë për ‘Dardanët’ e realizoi Florent Muslija, shkruan Arbresh.info.

Pas ndeshjes për media ai tha se e rëndësishme është se nuk u mposhten nga Zvicra, dhe se tani përqëndrimi maksimal është tek play-offi.

“E rëndësishme që nuk jemi mposhtur nga Zvicra. Kemi dëshmuar që mund të luajmë kundër Zvicrës”.

“Jam shumë i lumtur. Është shumë motivuese që nuk kemi humbur nga Zvicra. Tani e kemi play-offit në mars dhe shpresojmë të kemi fat. Kemi treguar veten si Kombëtare. Të gjithë kemi dhënë maksimumin”.

“E kemi merituar vendin që e kemi. Besojmë se mund të arrijmë ende. E kam vetëbesimin, e di që mund të luajë dhe të ndihmoj ekipin”, ka thënë ai.

Kosova e mbylli grupin B në pozitën e dytë me 11 pikë, derisa kundershtaret e mundshëm për play-off janë Sllovakia, Uellsi, Polonia dhe Çekia./Arbresh.info